ქართულად” CITY GAME“
ქალაქ ქუთაისის N30 საჯარო სკოლის მოსწავლეები დიდი ინტერესით ჩაერთნენ მიმდინარე წლის 24 ოქტომბერს მერიის ორგანიზებით გამართულ კონკურსში ” CITY GAME” (შეიცანი ქალაქი). საკონკურსო თემა იყო ჩვენი მშობლიური ქალაქი- ქუთაისი. ჩვენი სკოლა ერთი გუნდით იყო წარმოდგენილი (ხელმძღვანელი ბექა იაკობიძე, მონაწილეები: ქეთი ბენიძე, ნოდარ მჟავანაძე, ანი გერლიანი, ელენე მახათაძე, ლუკა კირკიტაძე) . ინსტრუქციაში მოცემული დავალების მიხედვით, კონკურსის მონაწილეებს ევალებოდათ ქალაქის სპორტული დაწესებულებების ამოცნობა, მისვლა და სურათის გადაღება. სურათში უნდა ასახულიყო გუნდის ყველა წევრი, რომ დავალება შესრულებულად ჩათვლილიყო. გადაადგილება მხოლოდ საქალაქო ტრანსპორტით შეიძლებოდა. ბოლო ობიექტი, სადაც კონკურსი უნდა დასრულებულიყო რ. შენგელიას სახელობის “ტორპედო არენა” იყო. ჩვენი სკოლის გუნდმა პირველმა შეძლო აღნიშნული ობიექტების გავლა და გამარჯვებაც მოიპოვა. მათ თასი, მედლები და საჩუქრად ფულადი ჯილდო გადაეცათ.
სასწავლო ოლიმპიადის გამარჯვებულები
ეროვნული სასწავლო ოლიმპიადის შედეგები ფრანგულ ენაში 2023-2024 სასწავლო წლის ეროვნული სასწავლო ოლიმპიადის მე-3 ტურში, ფრანგულ ენაში მონაწილეობა მიიღო, სსიპ ქალაქ ქუთაისის #30 საჯარო სკოლის 7 მოსწავლემ; მე-12 კლასის 2 მოსწავლე – მ. ბენიძე და მ. კილაძე, მე-11 კლასის 2 მოსწავლე რ. ჩახუნაშვილი და ნ. ჟორჟოლიანი და მე-10 კლასის 3 მოსწავლე – ე. ჭულუხაძე, მ. კუბლაშვილი და ვ. ხეცაშვილი. მე-3 ტურის ყველა მონაწილეს, საქართველოს განათლების, მეცნიერებისა და ახალგაზრდობის სამინისტრომ გადასცა სიგელები და გამარჯვებულ მოსწავლეთა რეიტინგულ სიაში, ფრანგულ ენაში საუკეთესო შედეგის მქონე ათეულში მე-6 ადგილზე გასულ მე-10 კლასის მოსწავლე ვალერიო ხეცაშვილს, სიგელთან ერთად გადაეცა სპეციალური პრიზი ( მეგატექნიკის სასაჩუქრე ვაუჩერი). ვულოცავთ ყველა მოსწავლეს წარმატებას და ვიმედოვნებთ, რომ მომავალშიც ასახელებენ სკოლას.
