ქართულადაივ ინფექციის დღე
სსიპ ქალაქ ქუთაისის N30-ე საჯარო სკოლის ბაზაზე არსებულმა ეკოკლუბმა ,,მწვანე კედელი“, კლუბის ხელმძღვანელ პედაგოგ ეთერ კვახაძის ინიციატივით გამართა სასკოლო/სამეცნიერო კონფერენცია, თემაზე: ,,1 დეკემბერი აივ ინფექციის დღეა“. აღსანიშნავია, რომ თემატიკა ეკოკლუბის ,,მწვანე კედლის“ მოსწავლეთა მიერ იქნა შერჩეული მათი ინტერესებიდან გამომდინარე. კონფერენციაში მონაწილეობა მიიღო კლუბის წევრებმა: ანა ხარაიშვილმა, მარიამ ლაღაძემ, თინათინ ბაბუნაშვილმა, დავით კოგახოკიძემ, ნინი ჟორჟოლიანმა და ქეთევან ფხაკაძემ. კონფერენციას წინ უსწრებდა მერვე კლასებში წინასწარ შედგენილი ანონიმური კითხვარის შევსება, რომელიც კვლევითი ხასიათის იყო და მიზნად ისახავდა მოეკვლია თუ რა მზაობა/ცოდნა ჰქონდათ მოსწავლეებს ამ ვირუსის შესახებ და რამდენად მოახდენდნენ გაემიჯნათ ერთმანეთისაგან ამ დაავადების შესახებ გავრცელებული მითები და რეალობა. კლუბის წევრებმა მოახდინეს რა კითხვარების განხილვა, მონაცემების საფუძველზე დაგეგმეს სხვადასხვა აქტივობები: შექმნეს ბლიც კითხვები, მოამზადეს პრეზენტაცია, დაამზადეს ბუკლეტები და გაავრცელეს სასკოლო თემში. კლუბის ხელმძღვანელთან ერთად მე-11 კლასის მოსწავლეებმა: ანი ხარაიშვილმა და მარიამ ლაღაძემ ,,learningApp“-ის საშუალებით შექმნეს საინფორმაციო თამაში, სადაც კონფერენციის შემდეგ დამსწრე მოსწავლეებთან ერთად შეაჯამეს და გაანალიზეს მიღებული ახალი ინფორმაცია.
აღსანიშნავია, რომ კონფერენცია ემსახურებოდა: მოსწავლეებში ვირუსის შესახებ ცნობიერების ამაღლებას; ამ ვირუსული დაავადების სხვადასხვა ქვეყნებში გავრცელების სტატისტიკის შედარებას საქართველოს მონაცემებთან; თემში გავრცელებული მოსაზრებების: დაავადების შესახებ არსებული მითებისა თუ რეალობების სწორი მიმართულების მიცემას; დაავადების მკურნალობის თანამედროვე მიღწევებისა და სიახლეების, პრევენციის გზების გაცნობა-გაანალიზებას.
პროცესი, მიუხედავად თემატიკისა ინტერაქტიული იყო და იგრძნობოდა სინთეზი მომხსენებლებსა და აუდიტორიას შორის.
კონფერენცია შეაფასა და შეაჯამა სკოლის დირექტორმა- მიხეილ გიორგაძემ და სასწავლო ნაწილმა ქეთევან ცირეკიძემ. მათ მადლობა გადაუხადეს საინტერესოდ დაგეგმილი კონფერენციის მსვლელობისათვის თითოეულ მომხსენებელს, კლუბის ხელმძღვანელს საინტერესო და დღევანდელობისთვის აქტუალური თემატიკისათვის.
აღნიშნეს, რომ ხშირად უნდა ჩატარდეს მსგავსი ტიპის აქტივობები, რადგან კონფერენციის თემა და პრობლემა ეხმაურებოდა კაცობრიობისათვის ესოდენ აქტუალურ, ჯერ კიდევ გადაუჭრელ მტკივნეულ საკითხს და რომ თითოეული ადამიანისათვის აუცილებელია თანამედროვე მეცნიერული მიღწევების შესახებ ცნობიერების ამაღლება.
პატარა ხელმარჯვეები
შემოქმედებითი აზროვნების განვითარება განათლების სისტემაში ერთ – ერთ გამოწვევად იქცა. სკოლამ ამ კუთხით ადრეული ასაკიდანვე უნდა იზრუნოს, რათა აუმაღლდეთ ბავშვებს შემოქმედებითი მოტივაცია და ფანტაზიის უნარი. სსიპ ქალაქ ქუთაისის N30 საჯარო სკოლაში, დაწყებითების კათედრა ყოველწლიურად ახორციელებს, ტრადიციულ პროექტს_ “პატარა ხელმარჯვეები”, სადაც მონაწილეობას იღებენ დაწყებითი კლასის II , III, IV კლასის მოსწავლეები. მიმდინარე სასწავლო წელსაც მოსწავლეებმა პატარა, მარჯვე ხელებით, მრავალფეროვანი მასალისა და სხვადასხვა ტექნიკის გამოყენებით, შექმნეს ნამუშევრები. კომპეტენტურმა ჟიურიმ გამოავლინა გამარჯვებულები. სკოლის დირექტორმა შემოქმედი მოსწავლეები დააჯილდოვა სიგელებით.
